ياللى خايف م الشوارع تحضنك بدل البيوت
ياللى خايف م الزنازين تحبسك
مانتا محبوس ف السكوت
مانتا مسجون جوه خوفك
جوه ضعفك .. جوه قهرك
جوه أسخف النعوت
ياللى عايش حياته ذل وبمذلة
عشان يجيب لعياله قوت
ياللى تروى عطشه
نقطة جوه قلة
مفيش خلاص بح فوت
دلوقتى سترك ينكشف وتنهزم
والحيطان فوق دماغك تنهدم
وفى الشقى عمرك يفوت
ما دمت ساكت مبتسم
ولسه خانع منسجم
صدقنى احسنلك تموت
ليه بتشحت كل حقك ف الحياة
أصرخ بوجعك قولها آه
بإيه هينفع السكوت
بس صوتك لما يعلى
خلى نبراته الحقيقة
يمكن هتفرقها الدقيقة
بين حياتك وبكرامة
هى لحظات الثبوت
قول لنفسك وأفتكر
انت سيد موقفك
انت صاحب موطنك
انت انسان مش تابوت
ياللى خايف لسه خايف
م العطش نشفت شفايف
والكلام يلزمله صوت
بس جبنك وآه يا وجعى
خلى موتك ألف موت
لسه خايف
إرسال تعليق