من ديوان ملحمة شهداء العرش 30/7/2013
يا
دولة الظلم اعلى واكبرى
مهما
هتعلى بكرة راح تتغيرى
عدى
التتار بين الصباح والمسا
وأنتى
يا مصر باقية أبدا ولا تقهرى
كانوا
غزاة وليهم فى الظلم مليون سبب
يسرقوا خيرك لاجلن تضيعى وتتمحى وتدمرى
لكن
ولادك إيه يكون عذرهم على ظلمهم ؟؟
أو
بعضهم إيه يكون ذنبهم لما يهون دمهم
لما
يبيحوا قتلهم لبعضهم
لنفسهم
كلهم آه كلهم !!!!
للأسف ما الكل واحد
واما تشوفيهم تتعجبى وتتحيرى
*********
أتفضلى
إخوان وحطى على راسه تاج
واديه ف إيده صولجان
جنرال وحطى على راسه كاب
وعلى كتفه دبورة ونيشان
واما يحين وقت الصراع
هيدوسوا
ع الشعب المهان
*********
من غدرهم خبينى فيكى ولا
تغدرى
واوعاكى تنسى او فى يوم لا
تذكرى
أنا الولد اللى بدع ... أنا
الجدع اللى فدا
ذرات ترابك م العدا
لاجلن تكونى وتسطرى .
تاريخ على مر العصور
هكسوس رومان تتر مغول
وترك كانوا أو عجم
أنتى
الأهم
أفتكرى إن إنتى السلام
عشش على إيديكى الحمام
دقى أجراس الكنايس
وع المآذن كبرى
انتى عارفة يا حبيبتى
أنى السند وأنى المدد
وأنا
الوليد والشهيد
لما تعوزيه يجرى يقولك
أأمرى
أنا الامل من الأزل
أنا
اللى ف قيودى مغل
أنا المواطن المُذل
دوسى على قلبه الضعيف واتجبرى .
واما يقولولك اشهدى
على جرمهم اتسترى !!!
ما ترحمينى وتصرخى
ياله إنطقى قومى اشهدى
شئ مؤكد تقدرى .
طفى ف قلوبهم حرايق وقيدى
شمعة
ياله اخرجى من العتمة ضوى
ونورى .
خلاص تعبت من السكوت
كفاية موت
كفاية موت
فوقوا يا ناس من الفتن
فى الدنيا احنا بنمتحن
ده مش مخاض ابدا دا موت
خلاص تعبت م الكلام
لكن بيقتلنى السكوت
***********
للدم حرمة عند رب العالمين
نقول آمين ....
يقولوا دم !!!!!
هوا عطش ولا إنتوا من صنم أصم ؟؟
هوا جنون ولا انتوا ف الاصل بجم ؟؟
كنتوا أسياد الامم ...... وبقيتوا هم
وبقيتوا هم
************
إترحمى إترحمى على اللى
عاشقك واردمى
يكفينى إنى فى ترابك إتواريت
ياللى ف كتاب الله إنتى
آمنه
وف محكم التنزيل دايما
تكرمى
لما الملايكة بيسألونى
قلت مصرى
من
فؤادى ومن دمى
على جنة الصابرين خدونى
وهناك دعيتلك
يا
مصر دايما تسلمى
جميلة يا شاعر وان كنت ماليش في العامية بس تحفة واحساسها قوي
ردحذف